- Caqabadaha guud ee dalkeenna - Dagaallada sokeeye iyo qaraxyada oo abuura xaalado halis ah, sidoo kalana abuura baahi weyn oo loo qabo in si degdeg ah loo helo dhiigag kala duwan.
- La'aanta xogta dhiig bixiyaha - Goobaha caafimaad oo aan lahayn nidaam u diyaarsan kaydinta xogta dhiigagga, ayna si fudud uga heli karaan xogta dhiig bixiyeyaasha.
- La'aanta dhiig bixiye xaaladda degdegga ah -Inta badan majirto hab fudud oo loo heli karo dhiigga loo baahanyahay, iyadoo ay ay ugu wacantahay, wacyiga bulshada oo hooseeya iyo la'aanta nidaam xogta si degdeg ah loogu kala saari karo.
- La'aanta xogta dadka dhiigagga naadirka ah - Majiro nidaam u diyaarsan in lagu kaydiyo dadka dhiiggagga naadirka ah ee bulshada.
Hiigsigeenna Nidaamkaan
Nidaamka dhiig ku deeqista ee Gurmad (Gurmad Blood Donations) waa nidaam loo abuuray in lagu xalliyo baahida ballaaran ee loo qabo helidda xogta tiro badan oo dad ah, una diyaar ah inay ku deeqaan dhiiggooda, markii ay timaaddo xaalad degdeg ahi. Ujeeddadeennu waa in lahelo nidaam dhiigbixineed oo Online ah, bulshaduna ay isaga diiwaan gelin karaan hab online ah iyagoo guryahooda jooga, gaar ahaan waqtiyada ay muhiimka tahay in dhiigagga si degdeg ah loo helo.
Nidaamkani wuxuu u diyaarsanyahay in hal database la isugu keeno xogta dhiig bixiyeyaasha magaalo kasta, iyadoo goobaha caafimaad u fududaynaysa inay heli karaan xogta guud ee dhiig bixiyeyaasha diyaarka ku ah magaaladooda, si ay si hufan oo degdeg ah ugu adeegaan bukaanka u baahan dhiig degdeg ah. Waa xaqiiq in awoodda Tiknoolojiyadda iyo bulshaduba ay qayb laxaad leh ka qaadan karaan badbaadada bulshada, waana sababta aan u diyaarinnay nidaamkaan.